Bollywood ki most awaited action film Dhurandhar 2: The Revenge release se pehle hi box par dhamaka kar rahi hai. Reports ke mutabik film ne advance booking se hi lagbhag ₹60 crore ka collection kar liya hai. Sabse hairani ki baat ye hai ki India me regular shows ki advance booking ahi officially shuru bhi nahi hui hai.
Film me lead role me Ranveer Singh nazar aayenge aur fans is sequel ka kaafi time se wait kar rahe the. Trailer release hone ke baad movie ka craze aur bbhi badh gaya hai.
Preview Shows ke Liye Record Booking
Trade reports ke according 13 March 2026 tak India me film ke 4.7 lakh se zyada tickets bik chuke hain. Sirf preview shows ki booking se hi film ne ₹24 crore ka gross collection kar liya hai.
Experts ka manna hai ki yeh film preview shows ke collection me kai records tod sakti hai. Audience ka response dekhkar lag raha hai ki movie opening day par bhi strong start le sakti hai.
Overseas Market me Bhi Zabardast Response
Film ko sirf India me hi nahi balki international market me bhi strong response mil raha hai.
- North America: lagbhag $3 million collection
- Preview shows: kareeb $1 million
- Europe, Asia aur Oceania: kareeb $1 million
In sab numbers ko mila kar film ka global advance booking coolection ₹60 crore ke aas-paas pahunch gaya hai.
₹100 Crore ka Advance Booking ka Target
Trade analyst ka kehna hai ki jaise hi India me regular shows ki advance booking open hogi, film ka total advance booking collection ₹100 crore ke milestone ko cross kar sakta hai.
Agar aisa hota hai to yeh movie 2026 ki sabse badi Bollywood opening me se ek ban sakti hai.
Film ki Star Cast
Is action thriller ko director Aditya Dhar ne direct kiya hai. Yeh film blockbuster movie Dhurandhar ka sequel hai
Flim me kai bade stars nazar aayenge:
- Ranveer Singh
- Sanjay Dutt
- Arjun Rampal
- R.Madhavan
- Sara Arjun
Reports ke mutabik Yami Gautam film me cameo role me nazar aa sakti hain, lekin makers ne abhi tak iski official confirmation nahi di hai.
Release Date
Action aur spy thriller se bharpur Dhuraandhar 2: The Revenge 19 March 2026 ko theatres me release hone wali hai. Fans ko ummeed hai ki film box office par bada record bana sakti hai.
Advance booking ke numbers dekhkar lag raha hai ki Dhuraandhar 2 ka craze audience ke beech kaafi high hai. Agar isi tarah booking badhti rahi to film opening weekend me hi box office par bada milestone achieve kar sakti hai.
About the Author
